$250,000 na ilavo ni veivuke ni vuli ni 2012 ki Namosi kei Waidina

Tavoca o NJV na nona ‘website’ Vakaviti
July 25, 2012
Tomani na cakacaka ni vakadidike kei na qivaqiva
September 18, 2012
Show all

E na yabaki qo, sa sauma oti kina na Kabani na Namosi Joint Venture (NJV) e $250,000.00 me veivuke ni vuli vei ira na gonevuli e na loma ni yasana o Namosi kei na tikina o Waidina e Naitasiri.

Na ilavo ni veivuke o ya vei ira na kerekere mai kina kabani me baleta na vuli torocake kei na vuli-tara.

Sa sauma oti na kabani e na ruku ni porokaramu ni veivuke ni vuli e $120,000, vei ira na gonevuli ka ra kerea mai na veivuke e na Semester 2, qai wili kei na $130,000 a kerea mai e na `Semester 1? ni yabaki qo.

Na ilavo o ya e vukei ira na gonevuli me ra sauma na nodra icurucuru ni vuli e na vuli torocake kei na vuli-tara e ra vuli tiko e na Universiti ni Ceva-ni-Pasivika, Fiji National University, Corpus Christi Teachers College, APTEC, Pasifika Institute of Tourism, NZPTC kei na vuqa tale.

Vakaraitaka o Greg Morris na Manidia ni kabani e Viti, ni taleitaki dina na nodra sasaga na gonevuli e Namosi kei Waidina me baleta na veivuke e tu e na porokaramu o ya, ka raica tu na kabani na bibi ni vuli kei na veituberi.

Kaya o Morris ni porokaramu o ya e ra vukei kina e 119 na gonevuli e nai matai ni Semester ka 100 na gonevuli e na ikarua ni Semester.

Na kerekere e ciqomi e dikevi sara vaka-vinaka ka qai tau na vakatulewa ka yavutaki mai na kena vakamuri vaka-vinaka na veika kece e gadrevi, ka ciqomi vata kei na ivakasala mai na nodra mata na lewenivanua.

Na veivuke ni vuli ni 2012 sa mai sogo oti.