Kalima ni yabaki ni nona veivuke ki na vuli o NJV

$100,000 ena i karua ni wasewase ni vuli ena 2013
September 13, 2013
Tomana tale na NJV na nona vakadidike
August 29, 2015
Show all

Lewe 70 na gonevuli mai na Yasana o Namosi kei na Tikina o Waidina, Naitasiri era sa vukei tiko ena imatai ni Semester ni 2014 ka tiki tikoga ni nodratou sasaga ni veivuke na Namosi Joint Venture me baleta na vakatoroicaketaki ni vuli.

Na porokaramu lagilagi oqo e sai kalima ni nona yabaki ka sa vukea oti e 500 na gonevuli ena nodra vuli torocake mai na gauna e tauyavutaki kina.

Na levu ni ilavo e sa vakayagataki oti ena vuli oqo e sa vovoleka sara tiko me tara na milioni me vaka ni sa vakayagataki oti e $900,000 me yacova mai na gauna oqo.

Kaya na Manidia ni NJV o Greg Morris ni veivuke ni vuli kei na vuli-tara e yavudei ni sasaga ni kabani.

“Keitou marautaka vakalevu na nodra sasaga na gonevuli kei ira na lewenivanua e Namosi kei Waidina ena porokaramu oqo,” kaya o koya.

“Na vuli vinaka ena dolava e levu na ka vinaka me baleta na nodra veisiga ni mataka na gone ka na drodrova yani na veitikotiko. E vakabauta deivaki o NJV na vinaka ni vuli kei na vuli-tara, ka vakaraitaka tiko na neitou gagadre me vinaka ka vakatoroicaketaki kina na vanua keitou cakacaka kina,” kaya o Morris.

“Era mai dikevi vakamatau na volakerekere mai ka yavutaki nodra digitaki mai nai tuvatuva sa virikotori tu ena Education Assistance Programme Guidelines.

E sa mai sogo na volakerekere me baleta nai matai ni Semester ni 2014. Na Education Assistance Programme Guideline kei na volakerekere ni karua ni Semester ena tekivu dola tiko ena Jiulai ni 2014 ena website na www.njv.com.fj