Tavoca o NJV na nona ‘website’ Vakaviti

DSCN06731
Volayaca ni veidigidigi ena NJV Waisoi Camp
July 16, 2012
$250,000 na ilavo ni veivuke ni vuli ni 2012 ki Namosi kei Waidina
September 6, 2012
Show all

Sa mai tavoca o Namosi Joint Venture (NJV) na nona ‘website’ vakaviti – me sa dua vei ira nai matai ni kabani me dolava e dua na ‘website’ ena vosa Vakaviti.

Na ‘website’ vakaviti na www.njv.com.fj/fijian e tiko kina na veika kece e tukuni ena nona ‘website’ vakavalagi o NJV na www.njv.com.fj.

“Keitou marau ni mai tavoci na ‘website’ oqo ena vosa Vakaviti me rawa kina nira wilika talega na iTaukei ka vulica na veika me baleta na ‘project’ ena nodra vosa dina,”kaya na NJV Country Manager – o Greg Morris.

“E rui ka bibi mera kila nai taukei ni qele kei ira nai taukei kei Viti na veitukutuku bibi ka matata me baleta na ‘project’ ena vosa dina era kila vinaka – me bucina na veikilai vinaka ka me taladrodro vinaka kina na cakacaka ena vakasama savasava.”

Dua na ka e vakararamataki tiko ena ‘website’ sai koya na tabana ni ‘Frequently Asked Questions’ se ‘Veika e Tarogi Wasoma’, na vanua ka saumi vinaka kina na nodra lomatarotaro eso me baleti NJV.

Kaya o Mr Morris ni tu vakarau tu o NJV me ciqoma na tarolesu (feedback) kece mai vei ira na lewenivanua ena vuku ni tukutuku e dau vakaraitaki ena ‘website’.