Tomani na cakacaka ni vakadidike kei na qivaqiva

$250,000 na ilavo ni veivuke ni vuli ni 2012 ki Namosi kei Waidina
September 6, 2012
DSCN1052
Tomana na dauteitei mai Namosi na volitaki vuani qele kina kabani na Namosi Joint Venture
October 4, 2012
Show all

E marautaka na kabani na Namosi Joint Venture (NJV) na nona veitokoni na Paraiminisita Commodore Josaia Voreqe Bainimarama, o ya na kena tomani tale na cakacaka ni vakadidike kei na qivaqiva ka vaka-kina na vakadikevi ni veika bula e Waisoi e Namosi, o ya na Waisoi Project Environment Impact Assessment (EIA).

“E vaka-vinavinakataki Commodore Bainimarama kei ira na vakailesilesi vaka-matanitu na kabani na NJV, e na kena wali na nodra kauwai na veikoro kei na laurai ni sala ni cakacaka-vata kei na toso ki liu,” kaya o Greg Morris, na Manidia Liu ni Kabani e Viti.

Kaya o Morris, e marautaka talega na kabani na veiwekani e mai basika kei na Tikina Namosi Landowners Committee (TNLC), vakabibi e na biu vata ni tuvatuva ni vakacoko me qaravi e Namosi ka vakatokai na Namosi Rehabilitation Action Plan.

“E na veiwekani oqo, sa mai buli cake kina e dua na veikilai kei na sala ni veivosaki me rau cakacaka vei-volekati sara kina,” kaya o Morris.

“E na yavutaki eke e dua na veiwekani vei-volekati sara ka me tosoi kina ki liu na veika e rau duavata kina na kabani na NJV, kei TNLC e na vukudra na itaukei-ni-qele, kei na matanitu.”

E marautaka vaka-kina na kabani na NJV, ni na tomani tale na cakacaka ni vakadidike se EIA, me vaka ni bibi sara na macala ni vakadidike o ya, me vukea na veikoro, matanitu kei na kabani na NJV, e na kena vakadeitaki se me caka na kelikeli mai Waisoi, e na dua na gaunisala ka ena taqomaki kina na veikabula e wavoliti keda, ka ciqomi talega mai vei ira na lewenivanua.